Святителю Николаю Чудотворцу издавна молятся при различных жизненных трудностях, просят о помощи, и он скоро откликается на просьбы молящихся.
Важно – произносить молитву каждый день, верить в помощь с Небес и непрестанно благодарить Бога за все. Можно молиться как в церкви, так и дома.
Содержание
Молитва Николаю Чудотворцу о помощи в делах
О добрый наш пастырю и богомудрый наставниче, святителю Христов Николае!
Услыши нас грешных, молящихся тебе и призывающих в помощь скорое предстательство твое; виждь нас немощных, отвсюду уловляемых, всякаго блага лишенных и умом от малодушия помраченных;
потщися, угодниче Божий, не оставити нас в греховнем плену быти, да не будем в радость врагом нашим и не умрем в лукавых деяниих наших.
Моли о нас недостойных Содетеля нашего и Владыку, ему же ты со безплотными лики предстоиши: милостива к нам сотвори Бога нашего в нынешнем житии и в будущем веце,
да не воздаст нам по делом нашим и по нечистоте сердец наших, но по своей благости воздаст нам.
На твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим:
избави нас, угодниче Христов, от зол находящих на нас, и укроти волны страстей и бед возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших.
Моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и велию милость, ныне и присно и во веки веков.
Молитва Николаю Чудотворцу в трудной ситуации
О великий заступниче, архиерею Божий, Николае преблаженне, иже подсолнечную осиявый чудесы, призывающим же тя скорый услышатель являйяся,
ихже присно предваряеши и спасаеши, и избавляеши, и от бед всяческих изъимаеши, от Бога данною ти чудес и даров благодатию!
Услыши мя недостойнаго, с верою тя призывающа и молебное тебе приносяща пение; тебе бо ходатая на умоление ко Христу предлагаю.
О пресловущий в чудесех, святителем высото! яко имеяй дерзновение, скоро Владыце предстани, и преподобнии свои руце молебне к Нему простри о мне грешнем, и от Него щедроты благости подаждь ми,
и приими мя в свое заступление, и от всех бед и зол мя избави, от нашествия врагов видимых и невидимых свобождая, и тех всех наветы и злохитрства погубляя, и борющих мя во всей жизни моей отражая;
прегрешением же моим прощение испроси, и спасена мя Христу представи и Царствия Небеснаго сподоби улучити за множество того человеколюбия,
емуже подобает всяка слава, честь и поклонение, со безначальным его Отцем, и с Пресвятым и Благим и Животворящим Духом, ныне и присно и во веки веков.
Молитва Николаю Чудотворцу о помощи
О, всесвятый Николае, угодниче преизрядный Господень, теплый наш заступниче, и везде в скорбех скорый помощниче!
Помози мне грешному и унылому в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы;
и во исходе души моея помози ми окаянному, умоли Господа Бога, всея твари Содетеля, избавити мя воздушных мытарств и вечнаго мучения: да всегда прославляю Отца и Сына и Святаго Духа, и твое милостивное предстательство, ныне и присно и во веки веков.
Аминь.
Молитва Николаю Чудотворцу на благое дело
Угодник Николай, Защитник и Спаситель.
Ниспошли мне лад в делах суетных и не прогневайся на греховную просьбу. Надели меня усердным трудолюбием и защити от дюжих неудач.
Да будет воля твоя. Аминь.
Молитва Николаю Чудотворцу о помощи и благополучии детей
О добрый наш пастырю и Богомудрый наставниче, святителю Христов Николае!
Услыши нас грешных, молящихся тебе и призывающих в помощь скорое предстательство твое:
виждь нас немощных, отвсюду уловляемых, всякаго блага лишенных и умом от малодушия помраченных:
потщися, угодниче Божий, не оставити нас в греховном плену быти, да не будем в радость врагом нашим и не умрем в лукавых деяниих наших.
Моли о нас недостойных Содетеля нашего и Владыку, Емуже ты со безплотными лики предстоиши:
милостива к нам сотвори Бога нашего в нынешнем житии и в будущем веце, да не воздаст нам по делом нашим,и по нечистоте сердец наших, но по Своей благости воздаст нам.
На твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим:
избави нас, угодниче Христов, от зол находящих на нас, да ради святых твоих молитв не обымет нас напасть, и да не погрязнем в пучине греховней и в тине страстей наших.
Моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и велию милость, ныне и присно и во веки веков.
Аминь.
